no-image

काठमाडौं ।

नेपाली कांग्रेसका वरिष्ठ नेता रामचन्द्र पौडेलले केपी शर्मा ओली देशको प्रधानमन्त्री हुन योग्य नभएको बताएका छन । प्रधानमन्त्री ओलीले हिजो एक कार्यक्रममा सम्बोधनका क्रममा प्रतिनिधि सभालाई कुहिएको छानो भनेको विषयमाथि टिप्पणी गर्दै नेता पौडेलले ओली तानाशाह प्रवृतिको भएको टिप्पणी

गरेका हुन । सामाजिक सञ्जालमा नेता पौडेलले भनेका छन्, ‘प्रतिनिधिसभालाई कुहिएको नो भन्ने, संविधानमा हुँदै नभएको विशेषाधिकारको गुड्डी हाँक्ने प्रधानमन्त्री केपी ओली तानाशाह प्रवृत्ति हुन । उनी नेपालको प्रधानमन्त्री रहन योग्य छैनन्’। यो पनि पढनुहोस । काठमाडौँ– प्रधानमन्त्री तथा नेपाल कम्युनिष्ट

पार्टी (नेकपा) का अध्यक्ष केपी शर्मा ओलीले घोषित निर्वाचनमा सबैलाई अचम्मित बनाउने गरी आफ्नो पक्षमा मत परिणाम आउने दाबी गरेका छन । बबरमहलस्थित कार्की ब्यांक्वेटमा ओली समूह निकट अखिल नेपाल राष्ट्रिय स्वतन्त्र विद्यार्थी यूनियन (अनेरास्ववियू) ले आयोजना गरेको वृहत

कार्यकर्ता भेलामा उनले वैशाखमा हुने निर्वाचनमा आफ्नो पक्षमा सबैलाई चकित बनाउने गरी मत परिणाम आउने दाबी गरेका हुन । उनले भने, ‘घोषित निर्वाचनमा सबैलाई अचम्मित बनाउने गरी हाम्रो पक्षमा मत परिणाम आउनेछ ।’ उनले पुष्पकमल दाहाल ‘प्रचण्ड’ र माधवकुमार नेपाललाई अहिले पनि कुर्सी खाली भएकाले पुनः पार्टीमा आउन समेत आग्रह गरे।

‘आउनुस्‚ कुर्सी यथावत् राखिएको छ। आउनु भएन भने पनि यो अभियान अघि बढ्छ‚’ ओलीले भने‚ ‘पिलो निचोरिँदैमा ओजन घटेको हुँदैन । अझ मजबुत भएर आन्दोलन अघि बढ्छ।’ उनले पार्टीमा दुर्गन्ध फैलाएकाले प्रवक्ता नारायणकाजी श्रेष्ठलाई कारबाही गरिएको बताए ।

उनले दाहाल नेपाल पक्षको आन्दोलनप्रति व्यंग्य गर्दै ‘हामी यहाँ छौँ’ भन्ने होइन ‘म यहाँ छु’ भन्ने अवस्था आउने समेत चेतावनी दिएका छन । उनले भने, ‘हाम्रो केन्द्रीय कमिटीको बैठकमा नआएर केही साथीहरु कता हराउनु भयो भनेको हामी यहाँ छौँ भनेर छातीमा प्लेकार्ड बोकेर बसिरहनु भएको रहेछ। फेरि त्यहाँदेखि पनि उठेर कता जानु भएछ।’

प्रकाशित मिति January 3, 2021

हामीलाई फेशबुकमा लाइक गर्नुहोस