no-image

काठमाडौ ।

पूर्व अर्थमन्त्री एवं नेकपा नेता सुरेन्द्र पाण्डेले प्रधानमन्त्री केपी शर्मा ओलीलाई केटी मिलाइदिएको दावी गरेका छन् । उनले अहिलेका प्रधानमन्त्री केपी ओलीले केटी नपाएर बिबाह गर्न नसकेको अवस्थामा आफूले केटी खोजेर बिबाह गराइदिएको र उनको लमी आफु नै भएको दावी गरेका हुन् ।

एपीवान टेलिभिजनको एक कार्यक्रममा कुराकानी गर्दै पाण्डेले भने, केपीको केटी मागिदिएको मैले, बिहे गर्नका लागि, अहिलेको राधिकाजी । उहाँ जेलबाट छुट्नुभयो, राधिकाजी बिहे नभएर बसिरहनुभएको थियो । उहाँ हाम्रो जिल्लाको पार्टी कमिटिको सदस्य हुनुहुन्थ्यो । मैले बिहे गर्ने ?

त्यो बेलामा पार्टीको के चलन थियो भने पार्टीका नेता जस्को बिहे भएको छैन, केटा वा केटी जोडाइदिने कर्तव्य पनि पार्टीको हुन्थ्यो । कसैले आफै मायाप्रेम गर्ने र बिहे गर्न स्वीकृति माग्थे । मैले केपी कमरेडलाई सोधें । बिहे गर्ने ? गर्ने केटी पाएदेखि भन्नुभयो उहाँको त्यही ठट्यौलो शैलीमा ।

मैले भिन्न प्रसंगमा लगेर राधिकालाई देखाइदिएँ । उहाँले हुन्छ भन्नुभयो । मैले राधिकाजीलाई पनि सोधें फलानोसँग बिहे गर्ने हो ? भनेर । पहिला पनि मैले सोध्दा नाई भन्नुहुन्थ्यो । केपीको नाम लिएपछि बोल्दैबोल्नुभएन् । भनेपछि मन परेछ भन्ने बुझ्न्पर्यो ।

पाण्डेले केपी र आफू एउटै थालमा भात खाएर हुर्किएको मान्छे भएको दावी गर्दै तर केपी अहिले परिवर्तन भएको बताए । ओलीमा अहिले आमुल परिवर्तन छ । उनमा दम्भ बढेको देखिन्छ । इतिहासले निक्कै ठूलो जिम्मेवारी सम्पिएको थियो । तर त्यसलाई उहाँले सम्मान गर्न सक्नुभएन पाण्डेको भनाई थियो ।

प्रकाशित मिति December 5, 2020

हामीलाई फेशबुकमा लाइक गर्नुहोस